Тхан школехь д1абаьхьира Хьалха-Мартан к1оштан нохчийн меттан а, литературин а хьехархошна юкъахь " Исбаьхьа дош" байташ ешаран къовсам.

Тхан школехь д1абаьхьира Хьалха-Мартан к1оштан нохчийн меттан а, литературин а хьехархошна юкъахь " Исбаьхьа дош" байташ ешаран къовсам. Къовсаман 1алашо яра нохчийн литературица, поэзица йолу з1е шоръяр а, хьехархойн къамелан исбаьхьалла кхиор а. Хьехархоша а, жюрин декъашхоша а (Хьалха-Мартан к1оштан яздархой а, кхоллараллин ц1ийнан белхалой а) билгалдаьккхира кху тайпа къовсамаш а, иштта кхин йолу хьехархо зен аьтто болу мероприятеш д1аяхьар мехала г1уллакх хилар. Къовсамехь дакъалоцуш 27 хьехархо вара. Хьалхара меттиг Алхазар-К1отарара нохчийн меттан хьехархочо Магомадова Банатас яьккхира, шолг1а меттиг- Хьалха-Марта г1алин #6 йолчу школин нохчийн меттан хьехархочо Тасуева Тамарас, кхозлаг1а меттиг- Хьалха-Марта г1алин #5 Гимназин нохчийн меттан хьехархочо Эльбиева Луизас. Тоьллачарна Хьалха-Мартан к1оштан дешаран урхаллин ц1арах грамоташца совг1аташ дира.